Eg har prøvd å begrense meg. Eg har vore bestemt på at eg ikkje skulle bombardere dykk med alt det eg lagar. Det må jo bli kjedelig i lengda. Vell.. Sidan alt som går rundt i hovudet på meg er garn, oppskrifter, korleis gjere dei perfekte og kva eg skal strikke på i morgon, er eg NØDT til å få noko ut her. For hallo, hovudet mitt er ikkje langt frå å eksplodere! Men nei, eg kjem ALDRI til å omtale Nedslagsfeltet mitt som ein strikkeblogg. ALDRI!
Rett før vi dro til Senjahopen i vinterferien fekk eg meg eit par nye vottar. Eller, eg STRIKKA meg eit par nye vottar. Dei fleste har sett selbuvottar og vottar frå histen og pisten, men ikkje så mange har hørt om Kvænangsvottar. Eg snappa til meg eit hefte med oppskrifter hjå naboen for eit år sidan, og eg måtte jo prøve det etter kvart. Korleis dei ser ut? Sjå da:
Dei er designa av ei Marie Mikkelsen frå Burfjord (hurra for Marie Mikkelsen – eg elskar vottane!) og er skikkelig enkle å strikke. Dei er skikkelig varme også! Det har kanskje også noko med at dei er strikka i Østlandsgarn – 100% ullgarn kjøpt på Nille (<3<3). Det garnet er også perfekt å tove med, og det gjer at dei blir tova i bruk.
Vidare på Kvænangsvottefronten strikka eg eit par i går (ja, berre i går) som eg allereie har fått klår beskjed frå pappa om at han ønsker seg eit par av.
Designa av Regine Bjerkås frå Burfjord (eg MÅ gje skryt til dei som fortjener det – uansett om dei veit om det eller ikkje!). Artige å strikke og flotte å sjå på! Det er nestan så eg tar dei sjølv. Strikka i mitt faste vottegarn – Østlandsgarn frå Gjesdal (altså fabrikken – dei blir seld på Nille).
No i helga fekk eg meg enda eit par vottar (høhø – ups. Kremt.). Det var frå ei bok (boka Selbuvotten) eg fekk av mamma for eit par veker sidan. (Eg lovar at eg skal snakke meir om den ein anna gong.!)
Strikka i Senjagarn frå Gjesdal – fås kjøpt på Nille. Eg skal ikkje skryte av å ha veldig mykje å gjere på Fredag og Laurdag – det gjorde at eg blei ferdige med dei dagane. Det er mykje tynnare garn enn Østlandsgarn, og det gjer at mønsteret er mykje meir detaljert. Tar kanskje lengre tid å strikke, men det er ikkje noko eg legger merke til mens eg held på (berre etterpå, når eg ser på klokka og ser at ho er langt over leggetid).
Og så to par klassiske selbuvottar strikka etter oppskrift frå eit Raumahefte (som eg må hugse å reparere – det er berre lause ark). Like morosamt som alltid – og blir fort ferdig.
Ja – Østlandsgarn no også
Det er ikkje noko bra av dei kvite og svarte, sidan dei allereie er pakka ned i ein konvolutt til ei flott jente som ville kjøpe dei av meg.
Forresten, dei svarte selbuvottane og dei svarte Kvænangsvottane er til salgs, så det er berre å gje frå deg ein lyd om du er interessert. Om du vil bestille noko (altså sei i frå at du har lyst på noko, slik at eg kan strikke det spesielt til DEG), enten noko som er her inne eller ei oppskrift du har funne sjølv, er det også berre å rope pip!
Johanne