Strikkeprat: Lue til brodern
Brodern trengte lue (trengte og trengte fru Blom) og rett før jul tenkte eg at det ville vere ein super ide å strikke ei til han i julegåve. Sjølvsagt blei den ikkje ferdig (eg starta lille julaften), og eg brukte i staden juleferien på å strikke den. Nei, han legg ikkje merke til kva eg strikker så han han blei litt overraska når eg kom med den. (Hæhæhæ, det var gøy!)
Som ein trofast fan av Garnstudio, er det nok ikkje eit sjokk at lua er inspirert av Flaggluene derfra. Strikka med rundpinne nr 3.5 i eit eller anna garn som det sto 100% ren ull på. (Eg har kanskje ekstreme vanskeligheiter for å kaste de greiene som er rundt garnnystet til vanlig – men denne gongen har eg klart å kaste bort begge to! Flott!) Veldig enkel og ekstremt kjapp. Warning! Du får floke på garnet etter kvart!
Edit: Eg gløymde heilt å nevne at eg hekla ein kant med svart etterpå, sidan eg var totalt korka og ikkje gjorde dei doble trådane i oppskrifta lang nok slik at eg kunne feste dei. I staden måtte eg hekle dei inn. Eigentlig var det bra, for den blei alt for vid uten! Men uansett!)
Han har i hvertfall brukt den mykje (som no i vinterferien) og det varmer godt i eit storesysterhjarte. Åh, eg trur eg byrjer å bli gamal!
Mmmjah. Det skal også nevnes at den var kjedelig å strikke, så noko lignande blir nok aldri lagd igjen!
Køyring er.. kjedelig!
Du har kanskje gjetta det, og du har nok også gjetta rett. Dette innlegget handlar om biltur. Eg skal derimot vere snill og ikkje plage dykk med kor mykje eg misliker å sitte i bil i meir enn ein halv time om gongen og at kjøring om vinteren blir ein pest og plage sidan det er svart overalt. Det eg derimot skal gjere er å vise dykk eit knippe (ok, alle dei eg blei fornøgd med sidan eg ikkje klarte å velje) bilete som eg tok sist vi køyrte til Senjahopen (ei veke sidan). Det er lenge sidan eg faktisk har overlevd ein biltur på tre og ein halv time. Det berre av to grunnar:
1. Det var lyst ute
2. Eg satt og strikka og tok bilete i ett!
Kjempegøy!
Eg har plassert bileta nogenlunde kronologisk, men de kan jo ikkje vegen så eg hadde strengt talt ikkje trengt det.
Men uansett!
Plutselig kjem det fleire bilete frå Senjahopen, men før den tid skal både du og eg få oss ein god natts søvn (fordi vi fortjener det!)
Poff!
Tysdagsmorgon
Eg har lyst på is. Vi har det i frysaren. Ute er det vind og snø og eg kjem til å bli kald på nasen når eg går til bussen, så eg har ikkje lyst på det meir. Eg har lyst på godteri. Sjokolade! Men nei Mamma, eg skal ikkje ta dei to sjokoladeplatene som ligg i skapet, for dei skal du og dei andre 4H’arane bruke når de skal lage dessert på Torsdag.
No et eg eple.
Fyrste dag etter vinterferien <3
Sånn så det ut utanfor trappa i dag tidlig. Bildet beskriv forsåvidt ikkje kor mykje vatn det faktisk var, sidan det fylte heile gata, og tru meg, i går var det verre!
Bilete tatt gjennom romvindauget mitt er best! (hjarte, hjarte, hjarte, hjarte)
Starten av dagen i dag gjekk til å gå ved sidan av eit verdshav (det utanfor døra), plaska meg gjennom fleire med dei rosa blomsterstøvlane mine, seilt over eit par med bussen (sjølvsagt utan kjetting) og sett på at heile Tromsøs befolkning har balansert seg rundt i byen. Underholdning nok for meg!
Eg har evna til å få folk til å kjede hybelkaninar på seg av alt pratet mitt, og derfor skal eg berre nevne superkjempekort at vi hadde styremøte i Stakken 4H i dag. Gøygøygøy! Næææææt! På plakaten stod det planlegging av Storkurs 2010, og etter å ha vore på møte i over ein time, tok eg meg sjølv i å lure på korleis nokon i det heile tatt tørr å la oss arrangere noko slikt.
Forresten
Møt Karianne.!
Ei av dei som har bidratt til at dagen min har blitt fylt med latter. For ja Karianne, ein må berre flire når ein ser at nokon har lagt frå seg batteriet til pc’en utan å leggje merke til det sjølv! Ho var forresten ein av dei som datt.
BERRE EIN SISTE TING ! (Ja Mamma, no kjem det!)
For rundt to år sidan, strikka eg (sjokk) eit babyteppe. Det var med perlestrikk og diverse mønster og eg blei veldig førnøyd. Det har lege i ei skuff, heilt til for to veker sidan, fordi eg fann ut at eg skulle få det vaska og sendt ned til ei tante som venter smått. Hei, tante Solveig! Mamma vaska det, ho seier sjølv at ho er flau.
Eg har fått meg noko som ser ut som ei blanding mellom ei dørmatte og eit handkle.
Mønsteret ser man nestan ikkje lengre.
Og eg har litt problem med å sjå forskjellen mellom teppet og handduken til brodern.
(Mamma, eg er fortsett glad i deg)
Eit kort innblikk i alt det som har fått meg i fantastisk godt humør i dag. På toppen av kransekaka fekk eg vite at eg ikkje startar på skulen før klokka kvart på ett i morgon (eg lovar, eg jubla og hoppa og lo til eg fekk vondt i kjeven og knea!).
Korleis var din dag?
OG: Hurra for kvinnfolket!
Kvardagsproblem
Når eg må ta på meg vanlige sko fordi eg ikkje får opp glidelåsen på støvlettane om morgonen veit eg to ting:
1. At eg fraus når eg sto opp og dermed kledde på meg alt for tykke lester.
Eg veit at støvlettane er fôra, men det er noko eg ikkje tenker på når eg kler på meg. “Berre” 10 minus ute i dag forresten.
2. At eg ikkje har tid til å skifte lester, fordi eg allereie er for seint ute til bussen.
Eg har faktisk sprunge til bussen kvar dag den her veka. Skikkelig gøy!
Sånn berre for å eit bilete med. Eg går aldri på her, sidan eg då kjem på ein buss som går feil veg.
Eg er ikkje sjuk, berre veldig, veldig sliten!
Ein liten brøkdel av rotet mitt nett no. Det har fulgt meg rundt i huset dei siste dagane, og fyrst no har eg “flytta” inn til resten av rotet på rommet.
Kvifor rydder eg ikkje? Fordi eg ikkje orker.
Ja, for det er faktisk ein grunn til at eg ikkje blogger. Ein grunn til at eg ikkje får gjort noko med alle ideane som flakser rundt i hovudet mitt (ja, dei flakser faktisk. Lager skrekkelig mykje lyd også!). Det er også ein grunn til at eg ikkje får dratt på skulen, eller gjort leksene mine. Joda – leksene blir gjort. Det berre tar fleire dagar (eg eiger ikkje konsentrasjon lenger). Det er ein grunn til at eg har dratt ei kvit løgn på fraværsregistreringa mi og sagt at eg har vondt i hovudet i staden for å sei kva som faktisk feiler meg. Korleis kan eg sei kva som feiler meg, når eg ikkje veit det sjølv? Å si at man er sliten er ingen gyldig grunn. Då tenkjer læraren at man ikkje må gjere så mykje på fritida slik at man blir sliten. Slutte å farte så ekstremt mykje rundt i helgene og heller fokusere på å ha nok energi til skuledagen. Eg kunne godt droppa alle dei tingane for å bli opplagt igjen og få meir energi. Einaste hindring er at eg ikkje gjer noko på fritida. Eg har virkelig eit liv altså! Eg sit på dataen, eg strikkar, eg høyrer litt på musikk, eg slapper av, eg eter, eg sover og eg dusjer. Kanskje eg skal slutte å dusje?
Formen var langt nede for eit par veker sidan, eg blei frisk - trudde eg – men formen blei skrall igjen i løpet av forrige veke. Eg har til tider vore så sliten at eg hadde lyst til å synke gjennom golvet. Eg har desverre funnet ut at DET, det går ikkje.. Så sliten at det gjer vondt. Og det funker ikkje å slappe av akkurat. Heile Laurdagskvelden blei brukt til å ha skrekkelig vondt i knea og Sundag var så ille at eg hadde mest lyst til å dø. STAS!
Mandagen blei brukt til legebesøk (eg orka ikkje noko anna). Han fann ingen ting. Formen er kanskje på veg oppover no (sjølv om eg er sinnsjukt sliten), men eg er veldig redd for at eg blir dårligare om eg finn på noko sprell. Laurdagen blei også brukt til slalom(Fy Johanne!) – det kjende eg VIRKELIG på kroppen etterpå! Det er for eksempel ein leir på Soltun som eg godt kunne tenke meg å dra på. Eg veit ikkje om eg burde.
Kva enn eg ender opp med så skal eg i hvertfall bruke størstedelen av vinterferien på å ladde opp til tida etter ferien. Eg vil heller ha det gøy og ikkje tenke på helsa!
Men uansett.
Korleis har du det i dag?
Rett i krysset
(Vakre ordspel altså!)
I mangel på noko anna, prøver eg å gjenta gårsdagens suksess. Eller – eg inbiller meg at det var ein suksess i hvertfall! Denne gongen skal du tenke deg tilbake 1 veke, 4 timer og 15 minutt. Kva skjedde da? Jo dette:
Etter skulen
Eg kjem sterkare tilbake.. snart.!
“FOMP”
Tenk deg tilbake i til. Nøyaktig ei veke, sju timar og 7 minutt. Kva gjorde du då?
Her er kva som skjedde med meg!
Dette skjedde heldigvis ikkje i dag, for det er is overalt. I staden kan eg tenke tilbake på det koseligste fallet eg nokon gong har opplevd!
Det er jo berre ein Søndag..
Dagen i dag har kanskje blitt vidd meir til mamma enn vanlig og vi har kanskje meire sleik enn overhodet nødvendig, men hallo! Fastelavnssøndag og morsdag er til for å markerast! (Så lenge eg ikkje har ein utkåra i livet mitt, overser eg valentinsdagen og lar verda gå som vanlig). Forresten – eg veit ikkje kvifor vi feirer fastelavn. Då gjer eg som pappa og bruker Wikipedia.
Fastelavn (frå mellomplattysk vastel-avent) er veka før faste. Tidlegare vart nemninga brukt på kvelden før fasta, som byrjar oskeonsdag. Deretter vart ho utvida til å omfatte heile fastelavnssøndag, blåmandag og feittysdag, og seinare altså til ei heil veke.
Kjelde: wikipedia.org
Ååååja. Då har vi lært noko nytt i dag og!
I utgangspunktet skulle eg ha ei vekesoppdatering no, men eg er trøytt og vil sove, så den kjem i morgon (eg fatter ikkje at eg faktisk skriver dette – men nokon gonger må man vell få lov til å sjokkere seg sjølv?).
Mi helg har vore flott – og eg håper at di har vore like fantastisk!
Johanne